bahlol Posted January 10, 2009 Report Share Posted January 10, 2009 [/size]بعد ان هدات عاصفه الزيدي وحذاءه ما بين مؤيد ومعارض , كنت خلال هذه الفتره انتظر حتى هدوء العاصفه لادلو بدلوي في امر يبدو غريبا عن ساحتنا العربيه. فحذاء الزيدي كان عنوانا للمعارضين لسياسه بوش حتى ان البعض كان قد طلب ان ينصب تمثالا له في احدى ساحات بغداد ولا ادري ان كان هناك طلبا مماثلا في احدى الدول العربيه ! المهم هو ان المعارضين اعتبروا هذا الامر ردا للشرف العربي المهدور وعنوانا للشجاعه اليعربيه والرد الحقيقي للعراقين كي ما ينتصروا على عدوهم الغاشم حتى ان احد الاعراب كان قد وضع سعرا لشراء الحذا بما يزيد على مائه الف دولار!! اما جماعه المتعاطفين مع سياسه بوش او الحكومه العراقيه الحاليه فانهم على العكس , اذا عتبروا هذا الامر ما هو الا اساءه ادبيه للعراق ممثله بالمالكي ولضيف حرر العراق من الدكتاتوريه. الا ان الصفه البارزه لتلك الخطابات كانت شديده الى الحد الذي وصلت به الى لغه الردح والشتائم ومن كلا الطرفين مما اسقط جوهر الموضوع. خلاصه الموضوع كما اراها هو ان الرئيس بوش استطاع ان يضحك لانتصاره في جعل العراقيين ان يتحرروا من كابوس الدكتاتوريه المقيته التي كانوا يعشوا بها حيث استطاع ان يجعل الانسان العراقي الذي لم يحلم يوما برفع اصبع له للسؤال صار اليوم يرفع حذاءا بوجه رئيس اكبر دوله بالعالم ومن حق بوش ان يفتخر بالديمقراطيه التي حاول زرعها للانسان العراقي الجديد . الا ان هذا الضحك يقابله ضحك اخر مضاد صادر من صدام حيث اننا لازلنا نعاني مما زرعه فينا وخصوصا قاده العراق الجديد ومعاونيهم وذلك من خلال معاملتهم للفتى الزيدي من ضرب مبرح وصل الى عده كسور وهو مازال في قاعه المؤتمر فما بالك في سجنه خصوصا بعد الاعلان الفج الذي اصدره ديوان رئيس الوزراء من اعتذار الزيدي لرئيس الوزراء وطلب السماح في مسرحيه تذكرنا كثيرا بالعهد البائد هنا من حق صداما ان يضحك كثيرا موصلا رساله الى بوش من ان سياسته مازالت معشعشه في نفوس قاده العراق ومساعديهم وربما تحتاج لوقت كبير كي ما يتفهم ساسه العراق معنى الديمقراطيه الحقيقيه فمن يضحك على من ربما يحتاج العراق لوقت كثير حتى يضحك اخيرا Quote Link to comment Share on other sites More sharing options...
tajer Posted January 13, 2009 Report Share Posted January 13, 2009 دنك راسك اجاك انعال يسقط الصاروخ تحيا القندرة * للعروبة اليوم صارت مفخرة *** انهزمت اجيوش العرب يوم النزال * والسلاح انهار في سوح القتال گمنه نتحدى القنابل بالنعال * واليعادينه بحذاء اندمره يسقط الصاروخ تحيا القندرة *** بالقنادر ننتصر مو بالسلاح * والنعل بالمعركة سر النجاح الزيدي عنده كروز حي اعلى الفلاح * ومن رماه بالكون صارت ضغبره يسقط الصاروخ تحيا القندرة *** استأذن القعقاع من گبره وطلع * شالته الغيره وعلى حصانه رجع شگگ اهدومه وگطفهن من سمع * ركضه اجوا حفاي هو وعنتره يسقط الصاروخ تحيا القندرة *** شافوا الزيدي البطل رمز وفه * ولابس ابرجليه عبوة ناسفة من شمرها شلون صارت عاصفة * وسوه لجيوش الاعادي مقبرة يسقط الصاروخ تحيا القندرة *** هلهل القعقاع ودموعه جرت * وعنتره اخدوده السويده حومرت صاحوا الارض السليبة تحررت * وتل ابيب بنص حذاء انفجره يسقط الصاروخ تحيا القندرة *** ومصطفى البكري سعيد ابهل خبر * ايبارك الامة العريقة ابهالنصر صارت بلميار چزمة منتظر * اغلى من سعر الشبح يمعتبره يسقط الصاروخ تحيا القندرة *** التمت العربان من بان وبني * وامة الامجاد ابد ما تنثني امة تنجب منتظر ما تنحني * وبوش اجه لبغداد ياهو القشمره يسقط الصاروخ تحيا القندرة *** رجعت الجولان والمقدس رجع * والعدو الغاشم لگف بشته وشلع ثاري عدنه سلاح لو بيهم وگع * محد يلحگ يشغل الصافرة يسقط الصاروخ تحيا القندرة *** قندره ازغيره وشفت كلشي ارتبك * والله لو بسطال چا سوه فلك حتى سور الصين چا طاح وهلك * وبجزر هاواي صارت مجزره يسقط الصاروخ تحيا القندرة *** احنه عدنه اسلاح يسوا النووي * اصله جلد ابعير فعال وقوي ابساحة الميدان يشويهم شوي* وخلي ينتظرون جلد البقره يسقط الصاروخ تحيا القندرة *** احنه عدنه سلاح ابد ما ينگحم * بيه نهز الكون نتحدى الامم حتى ابو بريص النذل خل يفتهم * لو سحگنه عليه راسه نكسره يسقط الصاروخ تحيا القندرة *** احنه حتى الدود من نمشي يزل * والصراصر تختفيلك بالعجل كعب عالي وضربته تهز الجبل * وقوة التفجير تمحي القاهرة يسقط الصاروخ تحيا القندرة *** بالمتاحف علگوها اعلى الرفوف * خاطر العربان من تدخل تشوف تنذرلها نذور كل واحد خروف * يستعد يمها وتصوره الكامره يسقط الصاروخ تحيا القندرة *** ارتفعت اسعار القنادر والجلود * عمله صعبه وهربوها امن الحدود قاذفات اتحولت تمحي اليهود* وحتى باليابان صارت شوشره يسقط الصاروخ تحيا القندرة *** انتصرت الامة بعد طول انتظار * وصارتلها القندرة راية وشعار نحرر المقدس تره وكل الديار * ونمشي للصومال هم نحرره يسقط الصاروخ تحيا القندرة *** دخلوا التاريخ هالمره العرب* وگلبوا الدنيا وموازين الحرب هذه جديات صارت مو لعب* والسلاح الاسود اول بادره يسقط الصاروخ تحيا القندرة *** خل حماس تهوس وخل تحتفل * وخل تسمي الزيدي مغوار وبطل ارتفع مجد العروبة واكتمل * بالتفاهات السخيفة المنكرة يسقط الصاروخ تحيا القندرة *** هذي امه مسودنه تعيش ابخيال * بلا شعور ولا وعي تقدس النعال قشمروها وبدلوا بس الجلال * وهي تهتف كل عمرها امخدره يسقط الصاروخ تحيا القندرة *** يمته تخلص يا بشر هالمهزلة * ويمته ترجع للطريق القافلة ويمته نزرع مو قنابل سنبله * ونخلص ونرتاح من هالمسخرة *** يسقط الصاروخ تحيا القندرة * للعروبة اليوم صارت مفخرة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.