bahlol Posted August 6, 2010 Report Share Posted August 6, 2010 الف رحمة تنزل عليك يا ملا عبود الكرخي من قبل 70 سنة كتب هاي القصيدة عن البرلمان ولهسه ترهم يا سبحان الله كأنها مكتوبة اليوم قيم الرگاع من هاي اللحه اتشوفه هيبه وعنده لحيه امسرحه يشتم ابلا خجل وبلا مستحه من ايحس المقعد اشويه اندحچ قيم الرگاع من ديرة عفچ برلمان اهل المحابس والمدس عگب ماچانوا يدورون الفلس هسه هم يرتشي وهم يختلس ولو نقص من راتبه سنت انعقچ قيم الرگاع من ديرة عفچ اتشوف واحدهم امعگل بالوقار وبالاصل تاريخه اسود كله عار ابضرف ثلث اسنين مليونير صار ايريد عالوادم ايعبرله چلچ قيم الرگاع من ديرة عفچ گمت ما اعرف حماها امن الرجل ياهو التكضه اهو ايمثل العدل وگمنه نستورد الشلغم والفجل لان كلها ضلت اتدور ودچ قيم الرگاع من ديرة عفچ والله ضيعنه الصدگ من الچذب اتشوفه هيبه وحچيه المصفط عذب ياخذك وايردك ابشرق وغرب وبسچاچينه يدچك حيل دچ قيم الرگاع من يرة عفچ حيل دوخني الحچي الماله ربط وصار عندي سكر وحصبه وضغط نفترش عاگول ونتغطه ابحسچ قیم الرگاع من ديرة عفچ گمت ما اميز الذيب امن الحمل امنين ما التفت گلبي يشتعل انه ما شايف شعب يتبع خبل شاب راسي وتيهت كل السچچ قيم الرگاع من ديرة عفچ يا حكومتنه الرشيده ام الوقار الفساد المالي عنوان الچ صار ندري جابوكم ابدبابه وقطار ليش ضليتوا سمچ ياكل سمچ قيم الرگاع من ديرة عفچ لازم انميز الزين امن الزلم وننتخب كلمن شهم صاحب علم ونرفض اللي يجي كل يوم ابفلم من ايشوف المنصب اشويه اندرچ قيم الرگاع من ديرة عفچ Quote Link to comment Share on other sites More sharing options...
BahirJ Posted August 7, 2010 Report Share Posted August 7, 2010 المانيا/قلعة سكر مرة اخرى عاودت بعض المواقع والمنتديات على شبكة الانترنيت نشر قصيدتي المعروفه ( قيم الرگاع من ديرة عفچ ) حيث نسبت الى الشاعر مله عبود الكرخي ظلما وعدوانا مذيلة بالكثير من الاطراء والمديح الى المله عبود الكرخي علما انها مسجله بصوتي على اليوتيب واخرجها الصديق ( فاروق كنا ) مشكورا. ارجوا من الاخوه الذين يهمهم الامر تصحيح هذا الاشكال واخص منهم المشرفين على المواقع التاليه ادناه : ديوان ومنتديات النيل والفرات شبكة اخبار الناصرية گهوة عبوسي منتديات الكوت نت شلش العراقي الجبهه الوطنيه والقوميه الاسلاميه هذا ولكم الشكر والامتنان مقدما اخوكم سامي عبد المنعم / المانيا قلعة سكر 2/3/2010 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.