Jump to content
Baghdadee بغدادي

عفيه شعب


salim

Recommended Posts

عفيه شعب
عارف مأمون

arf_2005@yahoo.com

ليس انتقاص من شعبي.. فأنا وانت واحد منهملكنها الحقيقة المره للأسف

 

عفيه شعب...

بيه العجايب مو عجب

جمعة ندم..

جمعة غضب

انواع عدنه من الجمع

كل وحده عنوان وخطب

جمعة صمت

جمعة شغبجمعة حواسم بالبلد

 

جمعة سلب

 

عفيه شعب...

 

مره لطم...مره لعب

 

مره يصفك للصنم

 

مره يشجع المنتخب

 

عفيه شعب..

 

نايم على آبار النفط

 

ولهسه يطبخ بالحطب!

 

عفيه شعب ..

 

مثل الجمل

 

عاكول ياكل للاسف

 

وشايل على ظهره ذهب !

 

عفيه شعب..

 

حتى بوكت بيده الأمر

 

تيّه احسابه وما حسب

 

وحتى البعض من أمّنه

 

ونطاه صوته وصعده

 

بس يوصل الكرسي كَلب

 

نهرين عنده وما زرع

 

والغربه بيه زرعت رعب

 

.عبوات ..والغام ..وحزم

 

ما قصروا اهلي العرب

 

دم ومآتم حمّلت

 

وصار الحصاد من الركَب

 

يابو لهب..

 

دزنه من عدكم حطب

 

وارتاح لتشيل الحمل

 

حماله عدنه اعله الطلب

 

بس يا شعب...

 

معذور من صابك تعب

 

ثلاثين مرن بالألم..

 

بالجوع مره.. وبالحرب

 

جيش القدس

 

جيش الفرس

 

جيش السمه

 

جيش الارض

 

وجيوش انواع ورتب

 

بس يا شعب لا تستلب

 

فك عينك وشوف الدرب

 

ميز العدو ..من المحب

 

ميز الصدك ..من الجذب

 

ركز عدل..

 

من تنتخب

 

الشغله لازم تنحسب

 

هذا عدل ..لو مو عدل ؟

 

اصل وفصل..لو بس شكل ؟

 

من الكتل

 

من النخب؟

 

بس للوطن..لو للحزب ؟

 

ميهمك شلابس بعد ..

 

قاط اجنبي

 

صايه وعكَل

 

اعمامه وبشت

 

المهم شايله عقل

 

والمهم ميبيع البخت

 

والمهم ..والكلش اهم

 

صادق يحافظ عل الشعب

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...